Hmong
Txij xyoo 2022 los, Elevate East tau ua hauj lwm nrog ntau lub koom haum nyob hauv zej zog los coj cov peev tsheej tseem ceeb mus rau cov neeg nyob rau sab east Tulsa. Peb cov hauj lwm yog los tsim kom dav thiab zoo kom pab cov neeg nyob hauv zej zog muaj cuab kav thiab lub hwj tsam los txhim kho lawv lub zej zog.
Thaj tsam ntawm ib tug neeg nyob qhov zipcode yuav tsum tsis yog ib qho uas yuav los txiav txim txog tus neeg lub neej nyob rau yav tom ntej.
Qhov los nqis peev rau cov tub ntxhais hluas nyob rau sab east Tulsa yog ib yam tseem ceeb heev rau thaj chaw txoj kev ua neej nyob rau yav tom ntej. Tam sim no tsuas muaj 14 feem puas ntawm cov neeg nyob hauv peb qhov chaw uas peb tsom muaj hnub nyoog 25 xyoos rov saud uas kawm tiav lawv daim Bachelor degree los sis siab dua xwb, piv rau 33 feem puas nyob hauv Tulsa County.
"Elevate East tau muab ib qho nyiaj pab kawm ntawv $50,000 rau Tulsa Honor Academy los pab txhawb lawv thawj pab tub ntxhais kawm uas kawm tiav high school kom tau txais qhov nyiaj pab gap scholarship kom los pab them tej yam uas lawv yuav nyuaj siab txog - xws li kom tau ib qho nyiaj deposit rau lawv thawj lub tsev xauj los sis los pab yuav ntawv kawm - kom txhob txwv lawv txoj hauv kev mus kawm ntawv qib siab.
Los ntawm Elevate East txoj kev pab nyiaj txiag, Tulsa Higher Education Consortium tau pab cov tsev neg nyob sab east Tulsa los cuv npe rau FAFSA thiab Oklahoma's Promise nyob rau lub caij ntuj sov nyob xyoo 2024."
Los ntawm kev koom tes nrog Parent Child Center of Tulsa, El Centro thiab GKFF's InvestNorth, lawv tau muab nyiaj txog li ntawm $840,000 los pab rau cov poj niam uas xeeb tub rau lub caij tom qab tau yug tus me nyuam.
Kawm Kom Paub NtxivTxaus Siab Rau Qhov Chaw Peb Nyob
Los ntawm kev txhawb kom muaj chaw zoo rau pej xeem, cov chaw cim tseem ceeb, thiab cov lag luam hauv zos, peb tab tom xyuas kom lub zej zog muaj kev vam meej thiab tseem khaws tau lawv caj ceg thiab keeb kwm.
Nyob hauv plawv ntawm txoj kev 21st thiab Garnett, qhov chaw Global District yog ib qho chaw uas muaj ntau haiv neeg tshaj plaws nyob rau peb lub nroog. Elevate East thiab Tulsa Global District tab tom ua hauj lwm los txhim kho dua tshiab qhov chaw lag luam uas muaj ntau hom kab lis kev cais nyob ua ke. Peb cov neeg koom tes twb pib los sis npaj nqis peev tshaj $60 lab nyiaj los txhim kho rau Global District.
Kawm Ntxiv"Kev nqis peev rau sab nraud ntawm cov tsev lag luam no yog ib yam tseem ceeb. Elevate East tau koom tes nrog Tulsa Global District los muab cov kev pab nyiaj rau kev kho sab nraud ntawm lub tsev, uas pab txhim kho thaj tsam ntawd. Peb txoj kev koom tes kuj tsim tau thawj Phau Ntawv Qhia Txog Kev Xauj Chaw Ua Lag Luam thiab Kev Tsim Sab Hauv, ib phau ntawv uas yooj yim los nkag siab txog kev piav qhia cov ntsiab lus tseem ceeb ntawm kev xauj tsev ua lag luam thiab cov tswv yim tsim sab hauv ntawm cov khw muag khoom."
Kawm NtxivKev Lag Luam thiab Kev Tsim Lag Luam Tshiab
Cov lag luam me nyob sab east Tulsa yog lub zog uas txhawb kev lag luam nyob hauv thaj chaw no. Elevate East tab tom koom tes nrog ntau lub koom haum los muab kev pab cuam tseem ceeb thiab xyuas kom cov tswv lag luam hauv zos muaj cuab kav los mus ua tiav lawv lub hom phiaj.
Thaj tsam lag luam Plaza Santa Cecilia yog ib qho chaw ua lag luam loj uas los ntawm haiv neeg Latin uas muab lawv cov zaub mov, suab nkauj, thiab kab lis kev cai thiab tsim nyog tau txais kev kho tshiab. Elevate East tab tom koom tes nrog ob tug neeg Mev hauv zos, thiab nrog City of Tulsa thiab Tulsa County, los kho tshiab lub khw uas zej zog nyiam heev no.
Thaj chaw lag luam tshiab no yuav yog thawj lub chaw txhawb lag luam nyob rau sab east Tulsa, thiab yog ib qho chaw nyob nraum zoov (plaza), thiab khw muag khoom uas zej zog nyiam yuav. Txoj hauj lwm no twb tau txais $2.4 lab nyiaj los ntawm tsoom fwv thiab koom haum."
Los ntawm txoj kev koom tes nrog Avanzando Juntos, muaj ntau tshaj 35 lub lag luam nyob rau sab east Tulsa uas tau txais cov nyiaj qiv uas muaj tus se me ntawm $5,000 mus txog $20,000 lso paw txhawb cov lag luam no.
